ԵՄ-ում ներգաղթյալների թիվը հասել է ռեկորդային ցուցանիշի

2025-ին Եվրոպական միությունում բնակվող ներգաղթյալների թիվը հասել է ռեկորդային՝ 64.2 միլիոնի՝ մեկ տարվա ընթացքում աճելով մոտ 2.1 միլիոնով։ Reuters-ի փոխանցմամբ՝ զեկույցը պատրաստել է Centre for Research and Analysis on Migration-ը։

Գերմանիան շարունակում է մնալ օտարերկրացիներին ամենաշատ ընդունող երկիրը՝ մոտ 18 միլիոն բնակչությամբ։ Միաժամանակ, Իսպանիայում արձանագրվել է ամենաարագ աճը՝ ներգաղթյալների թվի ավելացում մոտ 700 հազարով՝ հասնելով 9.5 միլիոնի։

Ուսումնասիրության մեջ նշվում է, որ միգրացիոն հոսքերը միատեսակ չեն բաշխված ԵՄ-ում․ օրինակ Լյուքսեմբուրգը, Մալթան և Կիպրոսը բախվում են ներգաղթյալների ավելի բարձր մասնաբաժնի՝ իրենց բնակչության համեմատ։