Իրանի վերջին շահի որդի Ռեզա Փահլավին հինգշաբթի օրը Գերմանիա կատարած այցի ընթացքում հարձակման է ենթարկվել ակտիվիստի կողմից։ Վերջինս Փահլավիի վրա կարմիր ներկ է ցողել՝ քննադատելով Իրանի պատերազմի վերաբերյալ նրա դիրքորոշումը։
Տեսանյութերից երևում է, որ Բեռլինի կենտրոնում գտնվող Դաշնային մամուլի ասուլիսի շենքից դուրս գալուց հետո, երբ Փահլավին անվտանգության աշխատակիցների ուղեկցությամբ շարժվում էր դեպի իրեն սպասող ավտոմեքենան, ակտիվիստը մոտեցել և կարմիր հեղուկ է ցողել, որը դիպել է նրա պարանոցին և ուսերին։ Փահլավին այնուհետև նստել է իր մեքենան և հեռացել տարածքից։
Ոստիկանությունը բերման է ենթարկել ակտիվիստին։
Ավելի վաղ՝ նույն օրը, Փահլավին վերահաստատել էր իր աջակցությունը ԱՄՆ-ի և Իսրայելի կողմից Իրանի դեմ իրականացվող հարվածներին՝ դրանք անվանելով «մարդասիրական միջամտություն», որն անհրաժեշտ է գործող վարչակարգը տապալելու համար։
Հետևեք մեզ տելեգրամում
