Ապրիլի 27-ին Մոսկվայում և մերձմոսկովյան շրջաններում հայտարարվել է եղանակային վտանգի «նարնջագույն» մակարդակ։ Հայտնում է Ռուսաստանի հիդրոօդերևութաբանական կենտրոնը։ Ըստ կանխատեսումների՝ սպասվում է ուժեղ արևմտյան քամի, որի պոռթկումները Մոսկվայում կարող են հասնել մինչև 23 մ/վրկ, իսկ մարզում՝ մինչև 25 մ/վրկ։ «Նարնջագույն» նախազգուշացումը կապված է տարածաշրջանում սպասվող բարդ եղանակային պայմանների հետ՝ ուժեղ քամի, առատ տեղումներ և ճանապարհային վտանգավոր իրավիճակներ։
Հիդրոօդերևութաբանական կենտրոնը կանխատեսել է ժամանակավոր ձնածածկույթ՝ մինչև մի քանի սանտիմետր հաստությամբ։
Տեղեկացնենք, որ «Դեղին» և «նարնջագույն» մակարդակները եղանակային վտանգի նախազգուշացման համակարգի մաս են։ «Դեղին» մակարդակը նշանակում է, որ եղանակը պոտենցիալ վտանգավոր է․ հնարավոր են առանձին բարդություններ և նյութական վնասներ, սակայն դրանք սովորաբար չեն ունենում լայնածավալ հետևանքներ։ Իսկ «Նարնջագույն» մակարդակը արդեն նշանակում է, որ եղանակը վտանգավոր է, և կա արտակարգ իրավիճակների առաջացման հավանականություն, ինչը կարող է հանգեցնել զգալի վնասների։
Հետևեք մեզ տելեգրամում
