Եվրամիության ընդլայնման հարցերով հանձնակատար Մարթա Կոսը հայտարարել է, որ Եվրոպան կաջակցի Հայաստանի ԵՄ անդամ դառնալու ձգտումներին։ Այս մասին նա ասել է Բրյուսելում կայանալիք ԵՄ արտաքին գործերի խորհրդի նիստից առաջ՝ անդրադառնալով Հայաստանի եվրաինտեգրման գործընթացին։
«Միայն Հայաստանի ժողովուրդը կարող է որոշել իր երկրի ապագան։ Վերջին Եվրոպական քաղաքական համայնքի գագաթնաժողովը, ինչպես նաև ԵՄ-Հայաստան գագաթնաժողովը ցույց տվեցին, թե որ ուղին են նրանք ցանկանում ընտրել։ Եվրոպան կաջակցի նրանց», – նշել է Կոսը։
Նրա հայտարարությունը հնչել է Ռուսաստանի նախագահ Վլադիմիր Պուտինի վերջին մեկնաբանությունների ֆոնին՝ կապված «Հայաստանի եվրոպական ուղու ընտրության հետ»։
Հետևեք մեզ տելեգրամում
