Թուրքիայում Ադրբեջանի դեսպան Ռ․ Մամմեդովը թուրքական «Cumhuriyet»-ի հետ զրույցում անդրադարձել է Ադրբեջանի դիրքորոշմանը հայ-թուրքական սահմանի բացման հարցում։ Պատասխանելով թուրքական թերթի այն հարցին, թե «Ադրբեջանը չի՞ ցանկանում տեսնել հայ-թուրքական սահմանը բացված», ադրբեջանցի պաշտոնյան նշել է, որ դա հնարավոր է հունիսի 7-ի ընտրություններից հետո։
«Մենք Թուրքիայի հետ վարում ենք համաձայնեցված քաղաքականություն և շարունակական կապի մեջ ենք Թուրքիայի արտաքին գործերի նախարարության հետ։ Մենք զուգահեռաբար ենք իրականացնում Հայաստան-Թուրքիա և Հայաստան-Ադրբեջան հարաբերությունների կարգավորման գործընթացները՝ համաձայնեցնելով բոլոր քայլերը։ Հայաստանի սահմանադրությունը պարունակում է տարածքային պահանջներ Ադրբեջանի նկատմամբ։ Հունիսի 7-ի ընտրություններից հետո նրանք կփոխեն սահմանադրությունը։ Տարածքային պահանջների վերացումից հետո կստորագրվի ԱՄՆ-ում նախաստորագրված Ադրբեջան-Հայաստան խաղաղության համաձայնագիրը։ Դրանից հետո կբացվեն Հայաստան-Թուրքիա և Հայաստան-Ադրբեջան սահմանները», -պնդել է ադրբեջանցի դեսպանը։
Հետևեք մեզ տելեգրամում
