ԱՄՆ պետքարտուղար Մարկո Ռուբիոն հայտարարել է, որ Հայաստանի և Միացյալ Նահանգների միջև գործընկերությունը դառնում է ռազմավարական։ Այդ մասին նա ասել է Երևան այցի ընթացքում։ Ռուբիոյի խոսքով՝ երկու երկրները պետք է փոխադարձ առավելություններ տեսնեն իրենց հարաբերություններում և կիսեն ապագայի վերաբերյալ ընդհանուր տեսլականը։
Նա նաև անդրադարձել է կարևորագույն հանքանյութերի վերաբերյալ շրջանակային հուշագրին՝ նշելով, որ այն ուղղված է երկու երկրների տնտեսական համագործակցության խորացմանը։ «Կարևորագույն հանքանյութերի մշակումը, վերամշակումն ու արդյունահանումը կարևոր է ապագա բարեկեցության համար։ Այն երկրները, որոնք կարող են դա անել, կկարողանան տնտեսական անկախություն ձեռք բերել և հայտնվել նորարարությունների կենտրոնում», – հայտարարել է ԱՄՆ պետքարտուղարը։
Ռուբիոն հավելել է, որ Հայաստանն ու ԱՄՆ-ը կարող են համագործակցել, որպեսզի երկու երկրների տնտեսություններն ունենան հուսալի հասանելիություն կարևորագույն հանքանյութերին։
Հետևեք մեզ տելեգրամում
