Ռուսաստանի անասնաբուժական և բուսասանիտարական վերահսկողության դաշնային ծառայությունը («Ռոսսելխոզնադզոր») հունիսի 2-ից սահմանափակում է Հայաստանից կորիզավոր մրգերի և թարմ խաղողի ներկրումը, ինչպես նաև այդ արտադրանքի տարանցումը ԵԱՏՄ երկրներ։ Այս մասին հայտնում է «Риа Новости»-ն։
Գերատեսչության պարզաբանմամբ՝ որոշման պատճառը Ռուսաստան հայկական մրգերի մատակարարման ընթացքում արձանագրված խախտումների հաճախակիացումն է։ Սահմանափակումները վերաբերում են բալին, կեռասին, ծիրանին, սալորին, դեղձին, նեկտարինին և թարմ խաղողին։ «Ռոսսելխոզնադզորը» նշել է, որ «ստեղծված իրավիճակը կարող է վտանգել Ռուսաստանի և ԵԱՏՄ երկրների բուսասանիտարական անվտանգությունը»։
Ավելի վաղ՝ մայիսի 30-ից, Մոսկվան սահմանափակել էր Հայաստանից մի շարք մրգերի և բանջարեղենի ներմուծումը, իսկ մայիսի 22-ից՝ նաև ծաղիկների ներկրումը։
Հետևեք մեզ տելեգրամում
