Իրաքի Էրբիլ քաղաքի ավիաբազայում անցկացված զորավարժության ժամանակ ամերիկացի և բրիտանացի զինվորականներ են մահացել: Այս մասին հունիսի 1-ին հայտարարել են ԱՄՆ-ի և Միացյալ Թագավորության պաշտոնական աղբյուրները՝ առանց հավելյալ մանրամասներ հայտնելու:
ԱՄՆ բանակի տարածած հայտարարության համաձայն՝ մահացած ամերիկացի զինվորականի ինքնությունը չի հրապարակվում, քանի դեռ ընտանիքին տեղեկացնելուց հետո չի անցել 24 ժամ։ Մեծ Բրիտանիայի պաշտպանության նախարարությունն իր հերթին հայտնել է, որ բրիտանացի զինվորի ընտանիքն արդեն տեղեկացված է, և հարազատները «լռության ժամանակահատված» են խնդրել նախքան դեպքի մասին հավելյալ տեղեկությունների հրապարակումը։
Սա վերջին մեկ ամսվա ընթացքում ամերիկացի զինվորականի մահվան երկրորդ դեպքն է. մայիսի սկզբին ամերիկացի երկու զինծառայող էր մահացել Մարոկկոյում՝ «African Lion» ամենամյա բազմազգ զորավարժություններից հետո ժայռից ընկնելու հետևանքով։
Հետևեք մեզ տելեգրամում
