Ռուսաստանը կարող է ընդլայնել Հայաստանից ձկնամթերքի ներմուծման սահմանափակումները՝ «անասնաբուժական ռիսկեր» ի հայտ գալու դեպքում։ Այս մասին հայտարարել է Ռուսաստանի ձկնաբուծության գործակալության ղեկավար Իլյա Շեստակովը: Հայտում է «ТАСС»-ը։
Նրա խոսքով՝ Մոսկվան արդեն իսկ սահմանափակումներ է մտցրել Հայաստանից կենդանի ձկան մատակարարումների նկատմամբ։ «Եթե հայտնաբերվեն գործոններ, որոնք կարող են վտանգել մեր անասնաբուժական անվտանգությունը, ապա, անշուշտ, հետագա քայլեր ևս կձեռնարկվեն»,- նշել է պաշտոնյան՝ հավելելով, որ բացի կենդանի ձկից, Հայաստանից Ռուսաստան է արտահանվում նաև սառեցված ձուկ։
Շեստակովը նաև նշել է, որ իշխան ձկան ներմուծման ծավալներով Հայաստանը բավականին մեծ տեղ էր զբաղեցնում ռուսական շուկայում, սակայն հնարավոր նոր սահմանափակումները չեն ազդի Ռուսաստանի ներքին շուկայի հագեցվածության վրա։ Նրա գնահատմամբ՝ ներքին արտադրությունը բավարար է, իսկ ներմուծումը հնարավոր է փոխարինել այլ երկրներից՝ այդ թվում Թուրքիայից։
Հետևեք մեզ տելեգրամում
