Իսրայելը պատրաստվում է դադարեցնել հարվածները Իրանի տարածքին՝ ԱՄՆ նախագահ Դոնալդ Թրամփի խնդրանքով, սակայն միաժամանակ կշարունակի ռազմական գործողությունները Լիբանանի ուղղությամբ։ Այս մասին հայտնում է Իսրայելի 12-րդ ալիքը՝ հղում անելով բարձրաստիճան աղբյուրի։
Ըստ հաղորդագրության՝ առաջիկա օրերին Իսրայելը շարունակելու է ինտենսիվ հարվածները Լիբանանի հարավում, իսկ անհրաժեշտության դեպքում թիրախավորելու է նաև Բեյրութի հարավային Դահիյա շրջանը, եթե «Հեզբոլլահ»-ը շարունակի հարվածները Իսրայելի հյուսիսին։
Ավելի վաղ իրանական կողմը հայտարարել էր, որ պատրաստ է դադարեցնել հարվածները Իսրայելի ուղղությամբ, սակայն զգուշացրել է՝ նոր հարձակումների դեպքում պատասխան գործողությունները կլինեն ավելի կոշտ։
Հետևեք մեզ տելեգրամում
