ԱՄՆ նախագահ Դոնալդ Թրամփը հաստատել է տեղեկություններն այն մասին, որ Հորմուզի նեղուցի մերձակայքում ամերիկյան Apache տիպի ռազմական ուղղաթիռ է կործանվել: Նյու Յորքից վերադառնալիս լրագրողների հարցերին պատասխանելիս Թրամփը նշել է. «Օդաչուները ողջ և առողջ են, ոչ ոք չի տուժել: Մենք վաղը հանդես կգանք պաշտոնական զեկույցով»։
The New York Times-ի փոխանցմամբ՝ միջադեպը տեղ է ունեցել երկուշաբթի օրը: Դեռևս հստակ չէ՝ ուղղաթիռը խոցվել է, թե՞ տեխնիկական խնդիրների պատճառով է կործանվել:
Միջադեպից ժամեր առաջ ԱՄՆ Կենտրոնական հրամանատարությունը (CENTCOM) հայտնել էր, որ ամերիկյան ուժերը Օմանի ծոցում շարքից հանել են մի նավթատար նավ, որը փորձում էր ուղղություն վերցնել դեպի Իրան։ Ըստ հաղորդագրության՝ USS Abraham Lincoln ավիակրից օդ բարձրացած կործանիչը հարված է հասցրել նավի կառավարման հատվածներին, քանի որ անձնակազմը չէր ենթարկվել ամերիկյան ուժերի հրահանգներին: «Marivex նավն այլևս չի նավարկում դեպի Իրան»,- նշել էր CENTCOM-ը:
Ամերիկյան ավիացիան արդեն շուրջ երկու ամիս գործում է Օմանի ծոցում և Հորմուզի նեղուցում՝ Իրանի դեմ ծովային շրջափակում իրականացնելով:
Հետևեք մեզ տելեգրամում
