Հայաստան-Թուրքիա սահմանի Մարգարա-Ալիջան սահմանային անցակետը մի քանի օրով կբացվի՝ ՀՀ-ից Լիբանան մարդասիրական օգնություն հասցնելու համար։ Այս մասին որոշումն ընդունվել է այսօր՝ կառավարության նիստի ժամանակ։
Մարգարայի անցակետը, ըստ որոշման, կբացվի հունիսի 12-22-ը: Այս անցակետը չի գործում և գործող իրավական կարգավորումներով հնարավոր չէ նշված սահմանային կետով անձանց, բեռների և տրանսպորտային միջոցների անցումը:
Փաստաթղթում նշվել է, որ որոշումն ընդունվել է Լիբանանի բնակիչներին, այդ թվում՝ իսրայելական հարձակումների հետևանքով տուժած հայ համայնքի ներկայացուցիչներին մարդասիրական օգնություն ցուցաբերելու համար:
Հիշեցնենք, որ անցյալ տարի Մարգարայի սահմանային անցակետը բացվել էր Հայաստանից Սիրիա մարդասիրական օգնություն հասցնելու համար:
Հետևեք մեզ տելեգրամում
