Regionmontor.com-ը ներկայացնում է հունիսի 1-ի դրությամբ տարածաշրջանում կորոնավիրուսի տվյալները։ Ստորև ներկայացվում են Թուրքիայի, Վրաստանի, Իրանի, Հայաստանի և Արցախի COVID-19-ի հետ կապված ընթացիկ տվյալները։
Հայաստանում հունիսի 2-ի դրությամբ նոր կորոնավիրուսով վարակվելու 517 նոր դեպք է գրանցվել: Այս մասին հայտնում է ՀՀ ԱՆ հիվանդությունների վերահսկման և կանխարգելման ազգային կենտրոնը:
Ընդհանուր առմամբ՝ հունիսի 2-ի դրությամբ հաստատվել է կորոնավիրուսի 10 009 դեպք:Ընդհանուր թեստերի թիվը կազմում է 59917 (մեկ օրում արվել է 1249 թեստավորում): Փաստացի այս պահին բուժվում է 6368 անձ (ավելացել է 472-ով):Վերջին տվյալներով ապաքինվել է 3427 անձ, վերջին մեկ օրում 25-ը հոգի:
Ընդհանուր առմամբ, 158 պացիենտ մահացել է (ավելացել է 19-ով):
Արցախում կորոնավիրուսով վարակը հաստատվել է ևս 3 քաղաքացու մոտ, որոնք ժամանել են Ռուսաստանից և գտնվում էին մեկուսացման համար նախատեսված վայրերում: Այդ մասին տեղեկացրել է առողջապահության նախարարությունը։
Այսպիսով, հունիսի 2-ի դրությամբ Արցախում նոր կորոնավիրուսով 46 վարակակիր է գրանցվել, որից 26-ն արդեն առողջացել են, հայտնում է Արցախի Տեղեկատվական շտաբը:Մահվան ելքով դեպքեր չեն գրանցվել։ Մեկուսացված է 100 քաղաքացի, ընդհանուր թեստավորումների քանակը 926 է:
Թուրքիայի Առողջապահության նախարար Ֆահրեթթին Քոջան նշել է, որ 24 ժամվա ընթացքում կատարվել է 31525 թեստ, որոնցից 827-ի պատասխանը դրական է եղել։ Նույն ժամանակահատվածում գրանցվել է վարակակիրների մահվան 23 դեպք, առողջացել է 974 մարդ։
Այսպիսով, ըստ ընդհանուր տվյալների, Թուրքիայում արձանագրվել է կորոնավիրուսով վարակվելու 164769 հաստատված դեպք և մահվան 4563 դեպք, առողջացել է 128947 հիվանդ:
Ադրբեջանի կառավարությանը կից օպերատիվ շտաբը հայտնել է, որ Ադրբեջանում վերջին օրվա ընթացքում ևս 168 մարդու մոտ հաստատվել է կորոնավիրուս վարակը, 80 մարդ ապաքինվել է, 5 մարդ մահացել է:
Նշենք, որ մինչ օրս Ադրբեջանում կորոնավիրուսով է վարակվել 5662 մարդ, 3508-ը՝ ապաքինվել է, 68-ը՝ մահացել: Շարունակում է բուժում ստանալ 2086 մարդ, նրանցից 55-ի վիճակը ծանր է, 69-ինը՝ միջին ծանրության, մյուսներինը՝ կայուն: Ընդհանուր առմամբ 302933 թեստ է իրականացվել:
Վրաստանում կորոնավիրուսով վարակման դեպքերը վերջին 24 ժամում աճել են 2-ով: Այս ընթացքում ապաքինվել է ևս 10 հոգի: Հունիսի 2-ի դրությամբ, ինքնամեկուսացման մեջ է գտնվում 2508, ստացիոնար վերահսկողության ներքո` 300 քաղաքացի: Արձանագրվել է 12 մահ: Բուժման նպատակով Վրաստան է տեղափոխվել 3 հիվանդ:
Փետրվարի 26-ից մինչև այսօր Վրաստանում վարակման 796 դեպք է արձանագրվել, ապաքինման` 634:
Իրանի առողջապահության նախարարության հաղորդած տվյալների համաձայն՝ վերջին 24 ժամվա ընթացքում կորոնավիրուսով վարակվածների թիվն ավելացել է 3117-ով՝ կազմելով 157 562: Նախորդ օրվա ցուցանիշով՝ վարակվածների թիվը 2979 էր։ Վերջին 24 ժամվա ընթացքում մահվան 64 դեպք է արձանագրվել։ Մահացած հիվանդների ընդհանուր թիվը կազմում է 7942: Ապաքինված հիվանդների թիվը կազմում է 123 077։ 2565 հիվանդ գտնվում է ծանր վիճակում։ Մինչ օրս Իրանում 975 936 թեստ է անցկացվել։
Հետևեք մեզ տելեգրամում
