Արգենտինայի հավաքականի ֆուտբոլիստ Լիոնել Մեսսին ԱՄՆ-ում, Կանադայում և Մեքսիկայում անցկացվող Աշխարհի առաջնության J խմբի մեկնարկային տուրի Ալժիրի հավաքականի դեմ խաղում (3:0) խփած հեթ-տրիկով կրկնել է Գերմանիայի հավաքականի լեգենդար հարձակվող Միրոսլավ Կլոզեի բացարձակ ռեկորդը։ Արգենտինայի հավաքականի 38-ամյա ավագն այսպիսով 2006թ․-ից ի վեր անցկացվող աշխարհի առաջնություններում իր գոլերի քանակը հասցրել է 16-ի:
Ալժիրի դեմ խաղի 17-րդ րոպեին Մեսսին տուգանային հրապարակի մատույցներից կատարած հուժկու հարվածով բացել է հանդիպման հաշիվը, 60-րդ րոպեին նա կրկնապատկել է այն, 76-րդ րոպեին Նիկո Գոնսալեսի փոխանցումից հետո Մեսսին ցածր հարվածով Մունդիալների պատմության մեջ գրանցել է իր կարիերայի առաջին հեթ-տրիկը :
Այս երեք գոլերի շնորհիվ Մեսսին հայտնվել է մինչ այժմ անցկացված բոլոր աշխարհի առաջնություններում ամենաշատ գոլեր խփած ռմբարկուների աղյուսակի ամենավերին հորիզոնականներում։
Միրոսլավ Կլոզե (Գերմանիա) — 16 գոլ
Լիոնել Մեսսի (Արգենտինա) — 16 գոլ
Ռոնալդո (Բրազիլիա) — 15 գոլ
Գերդ Մյուլլեր (Գերմանիա) — 14 գոլ
Կիլիան Մբապե (Ֆրանսիա) — 14 գոլ
Բացի այս նվաճումից, Արգենտինայի ավագը սահմանել է ևս մի քանի ցուցանիշ.
- Մեսսին միակ ֆուտբոլիստն է, որը խաղադաշտ է դուրս եկել 6 տարբեր Աշխարհի առաջնություններում (2006-2026 թթ.):
- Սա Արգենտինայի հավաքականի կազմում լեգենդար ֆուտբոլիստի հոբելյանական՝ 200-րդ պաշտոնական խաղն էր:
- 38 տարեկան հասակում նա շրջանցել է Կրիշտիանու Ռոնալդուին՝ դառնալով Մունդիալների պատմության ամենատարեց խաղացողը, որին հաջողվել է մեկ խաղում երեք գոլ խփել:
Հետևեք մեզ տելեգրամում
