Իրան-ԱՄՆ պատերազմի դադարեցման մասին հուշագրի իրագործմամբ՝ Հորմուզի նեղուցով այժմ ավելի շատ նավթ է անցնում, իսկ տարանցման ծավալները չորեքշաբթի երեկոյան գերազանցել են 12.5 միլիոն բարելը։ Այդ մասին հայտարարել է ԱՄՆ փոխնախագահ Ջեյ Դի Վենսը, հաղորդում է France 24-ը։
Վենսը նաև նշել է, որ Իրանի դեմ ծովային շրջափակման վերացման շրջանակներում ԱՄՆ ռազմածովային ուժերը թույլատրել են ավելի քան մեկ տասնյակ նավերի մուտքը իրանական նավահանգիստներ։
ԱՄՆ փոխնախագահը նաև հայտնել է, որ նախատեսում է այցելել Շվեյցարիա՝ մասնակցելու Իրանի հետ համաձայնագրի շուրջ բանակցություններին:
Հիշեցնենք, որ Իրանն ու ԱՄՆ-ն պատերազմի դադարեցման մասին հուշագիր են ստորագրել, որով նախատեսվում է, որ Թեհրանը պետք է բացի Հորմուզի նեղուցը, իսկ Վաշինգտոնը վերացնի Իրանի դեմ ծովային շրջափակումը: Վերջնական համաձայնագրի կնքման համար կողմերը դեռ պետք է շարունակեն բանակցությունները:
Հետևեք մեզ տելեգրամում
