Մարդկանց թրաֆիքինգի դեմ պայքարի շրջանակներում իրականացված միջազգային հատուկ գործողության արդյունքում հայտնաբերվել է թրաֆիքինգի 2,070 զոհ, ձերբակալվել է 1,024 կասկածյալ։ Այս մասին հայտնում է Ինտերպոլը։
«Global Chain» անվամբ գործողությունն իրականացվել է հունիսի 8-ից 12-ը՝ Աֆրիկայում, Ամերիկայում, Ասիայում և Եվրոպայում։
Ինտերպոլի տվյալներով՝ գործողության ընթացքում իրականացվել են ստուգումներ սահմանային անցակետերում, օդանավակայաններում, տրանսպորտային հանգույցներում և այն վայրերում, որոնք նախապես բացահայտվել էին որպես թրաֆիքինգի հնարավոր կենտրոններ։
Հայտնաբերված զոհերը ենթարկվել են սեռական շահագործման, զբաղվել հարկադիր աշխատանքով, մուրացկանությամբ կամ ներգրավել հանցավոր գործունեության մեջ։ Զոհերի մոտ 10 տոկոսը եղել են անչափահասներ։ Ինտերպոլի գլխավոր քարտուղար Վալդեսի Ուրկիսան նշել է, որ մարդկանց թրաֆիքինգը շարունակում է մնալ կազմակերպված հանցավորության ամենաշահութաբեր և տարածված ձևերից մեկը։
Հետևեք մեզ տելեգրամում
