Իրանի արտաքին գործերի նախարարության պաշտոնական ներկայացուցիչ Էսմայիլ Բաղաեին հայտարարել է, որ Թեհրանը Կատարի, Պակիստանի և Օմանի միջնորդությամբ շարունակում է աշխատանքը՝ Միացյալ Նահանգների հետ հակամարտության հետագա սրացումը կանխելու նպատակով, հայտնել է «First Post»-ը։
Բաղաեին նշել է, որ միջնորդ երկրների հիմնական առաքելությունն է շարունակել ջանքերը՝ լարվածության հետագա աճը կանխելու ուղղությամբ․ «Մենք թույլ չենք տա, որ Հորմուզի նեղուցը դառնա Իրանի ազգային անվտանգությանը սպառնացող վայր», – ասել է նա։
Հայտարարությունը հնչել է այն պայմաններում, երբ Իրանի և ԱՄՆ-ի միջև շարունակվում են փոխադարձ ռազմական հարվածները։ Իրանը երկուշաբթի հարվածներ է հասցրել տարածաշրջանում տեղակայված ամերիկյան զորքերին, ռազմաբազաներին և այլ օբյեկտներին՝ ի պատասխան նախորդ գիշեր ԱՄՆ-ի կողմից Իրանի տարածքին հասցված հարվածների։
Հետևեք մեզ տելեգրամում
