ԱՄՆ նախագահ Դոնալդ Թրամփի հետ Վաշինգտոնում կայացած հանդիպման ժամանակ Իրաքի վարչապետ Ալի ալ-Զաիդին հայտարարել է, որ ամերիկյան զորքերը մինչև ընթացիկ տարվա սեպտեմբերի 30-ը ամբողջությամբ կլքեն Իրաքի տարածքը: Այս մասին հայտնում է Deutsche Welle-ն:
Սպիտակ տանը կայացած հանդիպմանը Թրամփն իր հերթին նշել է, որ Վաշինգտոնը տարածաշրջանում սեփական ռազմական ներկայությունը պահպանելու անհրաժեշտություն այլևս չի տեսնում:
Ալ-Զաիդիի գլխավորած կառավարությունը զորքերի դուրսբերման գործընթացն ուղղակիորեն կապում է երկրում գործող և Իրանի կողմից աջակցություն ստացող զինված խմբավորումների զինաթափման հետ: Վարչապետն ընդգծել է, որ սեպտեմբերի 30-ից հետո, երբ ամերիկյան ուժերը հեռանան, Իրաքի իշխանությունները պետական վերահսկողությունից դուրս գտնվող որևէ կառույցի կամ խմբավորման թույլ չեն տա զենք կրել:
Նշենք, որ նախկինում Իրաքում տեղակայված էր շուրջ 2500 ամերիկյան զինվորական, որոնք «Իսլամական պետության» դեմ հակաահաբեկչական գործողություններ էին իրականացնում, սակայն վերջին ամիսներին այդ թիվը զգալիորեն կրճատվել էր:
Հետևեք մեզ տելեգրամում
