Հորդանանի զինված ուժերը հայտարարել են, որ երկրի հակաօդային պաշտպանության համակարգերը հինգշաբթի վաղ առավոտյան խոցել են Իրանի արձակած ութ հրթիռ, որոնք ուղղված էին թագավորության տարածքի վրա, հայտնել է Հորդանանի «Petra» լրատվական գործակալությունը։
Հորդանանի Զինված ուժերի գլխավոր հրամանատարության բարձրաստիճան պաշտոնյայի խոսքով՝ հրթիռների խոցումն իրականացվել է սահմանված պաշտպանական և օպերատիվ ընթացակարգերին համապատասխան՝ երկրի ինքնիշխանությունը, օդային տարածքն ու քաղաքացիների անվտանգությունն ապահովելու նպատակով։
Զինվորական աղբյուրը հայտնել է, որ միջադեպի հետևանքով զոհեր կամ նյութական վնասներ չեն գրանցվել։ Թագավորական ռազմական ինժեներական կորպուսի մասնագետները հայտնաբերված հրթիռների բեկորներն արդեն վնասազերծել և հեռացրել են տարբեր վայրերից։
Նրանք նաև ընդգծել են, որ Հորդանանի զինված ուժերը շարունակում են բարձր պատրաստականության ռեժիմում վերահսկել երկրի օդային տարածքը և պատրաստ են չեզոքացնել ցանկացած սպառնալիք՝ գործող կանոնների համաձայն։
Միաժամանակ քաղաքացիներին կոչ է արվել հետևել միայն պաշտոնական տեղեկատվությանը և չտարածել չստուգված լուրեր։
Հետևեք մեզ տելեգրամում
