ՀՀ Անվտանգության խորհրդի քարտուղար Արմեն Գրիգորյանը հուլիսի 16-ին ընդունել է Հայաստանում Եվրոպական միության գործընկերության առաքելության նորանշանակ ղեկավար, դեսպան Կոսմին Ջորջ Դինեսկուին։ Այս մասին հայտնել է ՀՀ ԱԽ գրասենյակը։
Արմեն Գրիգորյանը ողջունել է Հայաստանում ԵՄ նոր քաղաքացիական առաքելության տեղակայումը՝ ընդգծելով հայկական կողմի պատրաստակամությունը՝ աջակցելու առաքելության մանդատից բխող միջոցառումների արդյունավետ իրականացմանը։
ԱԽ քարտուղարը կարևորել է նաև առաքելության դերն ու աջակցությունը ապատեղեկատվության, կիբեռհարձակումների և ապօրինի ֆինանսական հոսքերի դեմ պայքարի գործում։
Հանդիպման ընթացքում կողմերը քննարկել են նաև Հայաստանի և Եվրոպական միության գործընկերության առաքելության միջև համագործակցության հետագա ուղղություններն ու փոխգործակցության զարգացման հնարավորությունները։
Հետևեք մեզ տելեգրամում
