ԱՄՆ-ում ՀՀ դեսպան Նարեկ Մկրտչյանն ԱՄՆ Գյուղատնտեսության քարտուղարությունում հանդիպում է ունեցել Արտաքին գյուղատնտեսական ծառայության ղեկավար Դանիել Ուիթլիի հետ։ Կողմերը քննարկել են Հայաստանի և ԱՄՆ-ի միջև գյուղատնտեսության ոլորտում համագործակցության ընդլայնման հնարավորությունները։
Ըստ ԱՄՆ-ում ՀՀ դեսպանության տարածած հաղորդագրության՝ հանդիպման ընթացքում դիտարկվել են հայկական գյուղատնտեսական արտադրանքի՝ ԱՄՆ շուկա արտահանման հնարավորությունները՝ անդրադառնալով շուկա մուտքի ընթացակարգերին, գործող կարգավորումներին, ինչպես նաև արտահանման խթանման նախադրյալներին։
Բացի այդ անդրադարձ է կատարվել նաև ԱՄՆ-ի ու Հայաստանի ոլորտային մասնավոր ընկերությունների միջև գործարար կապերի հաստատման և փոխշահավետ համագործակցության զարգացման հեռանկարներին։
Հետևեք մեզ տելեգրամում
