Եվրոպայում անոմալ շոգի պատճառով ավելացել է մահերի թիվը

Առողջապահության համաշխարհային կազմակերպությունը հայտնում է, որ Եվրոպայում անոմալ շոգերի ընթացքում մահացությունների թիվը կտրուկ ավելացել է։ Բարձ ջերմային ֆոնը նպաստել է, որ խոցելի խմբում գտնվող մարդկանց մահացությունների թիվը ավելանա՝ հասնելով 10.000-ի։

Տվյալները հիմնված են Եվրոպայի 27 երկրում մահացության վիճակագրության վրա՝ հունիսի 22-28-ը ընկած ժամանակահատվածում, երբ Ֆրանսիայում, Իսպանիայում, Մեծ Բրիտանիայում և այլ երկրներում գրանցվել է շատ բարձր ջերմաստիճան։

ֆրանսիական «France Info»-ի հաղորդմամբ՝ մահվան դեպքերից բացի, անոմալ շոգ եղանակը լուրջ վնաս է հասցրել Ֆրանսիայի գյուղատնտեսությանը. որոշ շրջաններում շոգի պատճառով բերքն ամբողջությամբ ոչնչացել է։ Հատկապես ծանր իրավիճակում է հայտնվել կաթնամթերքի արտադրությունը, որի ոլորտում կորուստները կարող են հասնել 20-30 տոկոսի։ Բարձր ջերմաստիճանի ու երաշտի ֆոնին Ֆրանսիայում բռնկվել են նաև անտառային հրդեհներ։