«Գլոբալ հարմարվողականության նախաձեռնությունը» (The Global Adaptation Initiative) հրապարակել է 2026 թվականի զեկույցը, որում գլոբալ մարտահրավերներին դիմակայելու տնտեսական պատրաստվածության ցուցանիշով Վրաստանը Եվրոպայում զբաղեցրել է երկրորդ տեղը, իսկ համաշխարհային մակարդակով՝ չորրորդ հորիզոնականը։ Այս մասին հաղորդում է վրացական «Imedi» լրատվական գործակալությունը։
Ըստ զեկույցի՝ տվյալ ցուցանիշով համաշխարհային առաջատար եռյակն են կազմում Հարավային Կորեան, Սինգապուրը և Էստոնիան, որոնց հաջորդում է Վրաստանը։ Նախորդ տարվա համեմատությամբ՝ Վրաստանը եվրոպական տարածաշրջանում երրորդ տեղից բարձրացել է երկրորդ հորիզոնական, իսկ համաշխարհային վարկանիշում պահպանել է իր նախկին չորրորդ դիրքը։
Նոտր Դամի համալսարանի կողմից իրականացված այս հետազոտությունը չափում է տարբեր երկրների խոցելիությունն ու դիմակայունությունը համաշխարհային մարտահրավերների նկատմամբ, ինչպես նաև դրանց պատրաստակամությունը՝ բարձրացնելու սեփական դիմադրողականությունը: Ուսումնասիրության հիմնական նպատակն է օգնել կառավարություններին, բիզնեսին և համայնքներին ճիշտ առաջնահերթություն տալ ներդրումներին՝ ապագա գլոբալ խնդիրներին ավելի արդյունավետ արձագանքելու համար։
Հետևեք մեզ տելեգրամում
