Wildberries-ը սկսել է առաջին փոխհատուցումների վճարումները այն վաճառողներին, որոնց ապրանքները տուժել են ընկերության պահեստների վրա իրականացված հարձակման հետևանքով։ «ՏԱՍՍ» լրատվական գործակալության փոխանցմամբ՝ այս մասին լրագրողներին հայտնել է Wildberries-ի հիմնադիր և RWB-ի ղեկավար Տատյանա Կիմը։
«Հարձակման առաջին օրերից ես ասում էի, որ, չնայած ֆորս-մաժորային հանգամանքներին, մենք աշխատում ենք մեր գործընկերներին ֆինանսական աջակցություն ցուցաբերելու ուղղությամբ։ Այսօր արդեն սկսում ենք առաջին վճարումները», – նշել է Կիմը։
Նրա խոսքով՝ առաջնահերթությունը տրվել է ամենափոքր և առավել խոցելի ձեռնարկատերերին։
«Այսօր առաջին վճարումները կստանան ավելի քան 88 հազար վաճառող։ Գումարները մեկ օրվա ընթացքում կարտացոլվեն նրանց հաշվեկշռում։ Վճարումների հաշվարկման մանրամասն բանաձևը կհրապարակվի վաճառողների հարթակում։ Միաժամանակ մշակում ենք վաճառքների սիմուլյատոր միջին և խոշոր բիզնեսի համար։ Նմանատիպ մեխանիզմ նախատեսում ենք կիրառել նաև ապագայում՝ այլ օբյեկտների հետ կապված դեպքերի համար», – ասել է Wildberries-ի ղեկավարը։
Հետևեք մեզ տելեգրամում
