Ադրբեջանը ստացել է առնվազն յոթ չին-պակիստանյան արտադրության JF-17 կործանիչ։ Այդ մասին են վկայում Ադրբեջանի պաշտպանության նախարարության հրապարակած ուսումնական թռիչքների կադրերը, գրում է «Sputnik Արմենիան»։
Տեսանյութում երևում են առնվազն հինգ JF-17 Block III կործանիչներ՝ նույնականացման համարներով։ Բացի այդ, վարժանքներին մասնակցել են նաև երկու երկտեղանի ուսումնամարտական JF-17 ինքնաթիռներ, որոնք, ըստ հրապարակման, հավանաբար JF-17B տարբերակն են։
Հրապարակման համաձայն՝ ինքնաթիռների վրա պատկերված է նորաստեղծ «Jaguar» ավիաէսկադրիլիայի տարբերանշանը, իսկ դրանք տեղակայված են Սումգայիթի մերձակայքում գտնվող «Նասոսնայա» ավիաբազայում։
Նշվում է նաև, որ մինչ կործանիչների տեղակայումը Ադրբեջանը լայնածավալ արդիականացում է իրականացրել ավիաբազայի թռիչքուղու և հարակից ենթակառուցվածքների վրա։
Ավելի վաղ հաղորդվել էր, որ Բաքվի և Իսլամաբադի միջև կնքված պայմանագիրը նախատեսում է Ադրբեջանին ընդհանուր առմամբ 40 JF-17 կործանիչների մատակարարում՝ շուրջ 4,6 միլիարդ դոլար ընդհանուր արժեքով։
Հետևեք մեզ տելեգրամում
