ՄԱԿ-ի գլխավոր քարտուղար Անտոնիու Գուտերեշը ՄԱԿ-ի Անվտանգության խորհրդի նիստում հայտարարել է, որ Մերձավոր Արևելքում իրավիճակը վտանգավոր կերպով սրվում է և տարածաշրջանը մոտենում է «աներևակայելիի սահմանագծին», հայտնել է «The Guardian» պարբերականը։
«Իրավիճակը դուրս է գալիս վերահսկողությունից։ Այն կանգնած է աներևակայելիի եզրին։ Տարածաշրջանը ներքաշվում է անընդհատ ընդլայնվող առճակատման շրջանակի մեջ։ Մի ճգնաժամը ծնում է մյուսը, իսկ յուրաքանչյուր նոր սրացում՝ հաջորդը», – ասել է Գուտերեշը։
Նրա խոսքով՝ հակամարտության խորացման պայմաններում քաղաքական նպատակներն աստիճանաբար մղվում են երկրորդ պլան, իսկ առճակատումն ինքնին դառնում է հիմնական շարժիչ ուժը։
Գուտերեշի հայտարարությունը հնչել է այն բանից հետո, երբ ԱՄՆ նախագահ Դոնալդ Թրամփը հայտարարել էր, որ մոտ է Իրանի դեմ մինչ այժմ ամենամասշտաբային հարվածներ հասցնելու վերաբերյալ որոշում կայացնելուն։ Նրա խոսքով՝ հնարավոր գործողությունները կարող են զգալիորեն գերազանցել վերջին ամիսներին իրականացված ռազմական հարվածների ծավալը։
Հետևեք մեզ տելեգրամում
