Բաթումիում երկու զբոսաշրջիկ է մահացել

Բաթումիում տեղի ունեցած ավտովթարի հետևանքով երկու բելառուս զբոսաշրջիկ է զոհվել, ևս 12 մարդ տարբեր աստիճանի վնասվածքներով տեղափոխվել է հիվանդանոց։ Այս մասին հայտնում է «ԲԵԼՏԱ»-ն՝ հղում անելով Բելառուսի արտաքին գործերի նախարարությանը։

Վթարի է ենթարկվել միկրոավտոբուսը, որը բելառուս զբոսաշրջիկներին օդանավակայանից հյուրանոց էր տեղափոխում։ Տուժածներից հինգը դեռևս շարունակում են բուժումը հիվանդանոցում, իսկ յոթը դուրս են գրվել։