Ռուսաստանի Դաշնության գյուղատնտեսության նախարարությունը ներկայացրել է մի շարք պահանջներ, որոնց կատարումը պարտադիր է համարել ռուսական շուկա հայկական գյուղատնտեսական ապրանքների մատակարարումները վերականգնելու համար: Այս մասին հայտարարվել է Ալմա Աթայում ԵԱՏՄ ագրոարդյունաբերական քաղաքականության խորհրդի VII նիստի շրջանակում ՌԴ գյուղնախարար Օկսանա Լուտի և ՀՀ էկոնոմիկայի նախարար Գևորգ Պապոյանի հանդիպումից հետո: Փոխանցում է RTVI-ին:
Ռուսական կողմը որպես «կարևորագույն» պայման է նշել Հայաստանից արտահանվող ագրոարդյունաբերական ապրանքների անվտանգության ապահովումը, այդ թվում՝
- հայ արտադրողների կողմից տեղական հումքի օգտագործումը ,
- թունաքիմիկատների նկատմամբ վերահսկողությունը,
- մատակարարումների հետագծելիության ապահովումը։
Օկսանա Լուտն ընդգծել է, որ Ռուսաստան ներմուծվող ապրանքների համապատասխանությունը ԵԱՏՄ անասնաբուժական և բուսասանիտարական նորմերին առաջնահերթություն է: Նախարարությունը նաև շեշտել է գործող նորմերի խիստ պահպանման և արտահանվող ապրանքների անվտանգությունն ապահովող հստակ մեխանիզմի մշակման անհրաժեշտությունը։
Հետևեք մեզ տելեգրամում
