Մեկ օրում ռուս-վրացական սահմանը հատել է ավելի քան 20․000 մարդ։ Այս մասին հայտնում է Meduza-ն՝ հղում անելով ՌԴ դաշնային մաքսային ծառայությանը, փոխանցում է ABC Media-ն։
Նշվում է, որ նմանատիպ դինամիկա նկատվել է մի քանի օր շարունակ։ Օգոստոսի 15-ին և 16-ին Վերին Լարսի սահմանային անցակետն ամեն օր հատել է ավելի քան 19․000 մարդ։
Մասնավորապես նշվել է, որ ընթացիկ թվերը զգալիորեն գերազանցում են նախորդ տարիների նույն ժամանակահատվածների ցուցանիշները։ Ականատեսների վկայությամբ՝ ռուսական կողմում սահմանին մեծ խցանում է առաջացել ու քաղաքացիները յուրաքանչյուր երկու ժամը մեկ են անցնում մոտավորապես 100 մետր տարածքը։
Նշենք, որ Վերին Լարսը ռուս-վրացական սահմանի միակ ցամաքային սահմանային անցակետն է։
Հետևեք մեզ տելեգրամում
