Ուկրաինային անհրաժեշտ են «Patriot» հրթիռներ, որոնք Կիևը պատրաստ է գնել, այլ ոչ թե նվեր ստանալ։ Այդ մասին ասել է Ուկրաինայի նախագահ Վլադիմիր Զելենսկին։
Նախագահի խոսքով՝ Ուկրաինան «Patriot» համակարգերի համար հրթիռների անհրաժեշտության մասին տեղեկացնում է իր գործընկերներին բոլոր մակարդակներում, և որ իր դաշնակիցները կարող են բավարարել այդ կարիքները։
«Մենք չենք խոսում նվերների մասին։ Խոսքը զենք գնելու Ուկրաինայի պատրաստակամության մասին է։ Կարևոր է, որ որոշումներ կայացվեն՝ համապատասխան քաղաքական որոշումներ մեր գործընկերների, և առաջին հերթին՝ Միացյալ Նահանգների կողմից»,- ընդգծել է Զելենսկին։
Հետևեք մեզ տելեգրամում
