Ռուսաստանը վստահ է, որ կհաղթի Ուկրաինայի հետ պատերազմում։ Այս մասին, «ՏԱՍՍ» լրատվական գործակալության փոխանցմամբ, լրագրողների հետ զրույցում հայտարարել է Ռուսաստանի նախագահի մամուլի քարտուղար Դմիտրի Պեսկովը։
«Կարող եմ Ձեզ վստահեցնել՝ մենք ոչ միայն ակնկալում ենք, այլև վստահ ենք, որ այդ հաղթանակը լինելու է», – ասել է Պեսկովը։
Նրա խոսքով՝ հաղթանակին հասնելու միջոցները կախված կլինեն «ներկա իրավիճակից»։
Պեսկովը նշել է, որ Ռուսաստանը շարունակում է բաց մնալ հակամարտության խաղաղ կարգավորման հնարավորությունների համար, սակայն, իր պնդմամբ, ներկայում խաղաղ կարգավորման պայմաններ չկան։
«Ռուսաստանը շարունակում է բաց մնալ կարգավորման խաղաղ եղանակների համար, սակայն նման եղանակների բացակայության պայմաններում մենք շարունակում ենք հատուկ ռազմական գործողությունը», – հայտարարել է Կրեմլի ներկայացուցիչը։
Հետևեք մեզ տելեգրամում
