Անկարայում ԱՄՆ դեսպանատան գործերի ժամանակավոր հավատարմատար Ալիս Աբդալլան անդրադարձել է ԱՄՆ-Թուրքիա հարաբերություններին՝ դրանք բնութագրելով որպես դրական։
«ԱՄՆ-ի և Թուրքիայի միջև բարեկամությունն այժմ արտակարգ ամուր է, և մենք դա կարող ենք տեսնել մեր առաջնորդների միջև հարաբերություններում։ ԱՄՆ նախագահ Թրամփը և Թուրքիայի նախագահ Ռեջեփ Թայիփ Էրդողանը պատմական հանդիպում ունեցան հուլիսին Անկարայում կայացած ՆԱՏՕ-ի գագաթնաժողովի ժամանակ: Այս միջավայրը հիանալի հիմք է ստեղծում Թուրքիայում իմ առաքելության համար, և ես իսկապես շատ ոգևորված եմ»,- նշել է նա:
Ըստ նրա՝ երկու առաջնորդների միջև հարաբերություններն արտակարգ դրական են և կարող են օրինակ ծառայել։
«Առաջնորդների միջև այժմ ամուր հարաբերություններ են, և որպես ԱՄՆ դիվանագիտական առաքելություն Թուրքիայում, աշխատում ենք ապահովել, որ այս հարաբերությունները արտացոլվեն մեր աշխատանքի բոլոր ոլորտներում»,- նշել է նա:
Նա այդ մասին հայտնել է 2023-ին ավեիչ երկրաշարժից տուժած Հաթայ նահանգ այցի ժամանակ։ Աբդալլան տեղում ծանոթացել է Անտիոքի հույն ուղղափառ եկեղեցու վերականգնման աշխատանքներին։ Եկեղեցու վերականգնմանը աջակցություն է տրամադրում ԱՄՆ-ը։
Հետևեք մեզ տելեգրամում
