ԱՄՆ փոխնախագահ Ջեյ Դի Վենսը հայտարարել է, որ Չինաստանը, իր գնահատմամբ, պատրաստ է համագործակցել Վաշինգտոնի հետ՝ Իրանի նկատմամբ տնտեսական ճնշումների հարցում։ Այս մասին հայտնում է BBC-ին:
Նրա խոսքով՝ ԱՄՆ-ի և Չինաստանի դիրքորոշումները կարող են որոշ հարցերում չհամընկնել, սակայն Պեկինը «այնպիսի երկիր չէ, որը առևտրային նավերի վրա կրակում է, քանի որ միջազգային վեճում չի ստանում իր ուզածը»։
Վենսը նաև ընդգծել է, որ Թուրքիան, Ադրբեջանը, Արաբական Միացյալ Էմիրությունները, Սաուդյան Արաբիան և Կատարը «շատ բան են անում»՝ օգնելու ԱՄՆ-ին ապահովել, որ Իրանը պատժվի առևտրային նավերի վրա կրակելու համար։
Նրա խոսքով՝ նպատակը Իրանին տնտեսական ռեսուրսներից զրկելն է, որպեսզի անհրաժեշտության դեպքում երկիրը չկարողանա վերականգնել իր միջուկային ծրագիրը։ Վենսը հավելել է, որ առայժմ ԱՄՆ-ը չի տեսել, որ Իրանը նման փորձ է անում։
Հետևեք մեզ տելեգրամում
