Իրանի խորհրդարանի նախագահ Մոհամմադ Բաղեր Ղալիբաֆը հայտարարել է, որ Իրանի դեմ ԱՄՆ-ի գործողություններին «համարժեք պատասխանների» ժամանակաշրջանն ավարտվել է, և «այսուհետ Իրանի շահերի ու անվտանգության դեմ ցանկացած ագրեսիա կարժանանա ավելի արագ, կոշտ և ցավոտ պատասխանի»։ Այս մասին հայտնում է Parstoday-ը:
«Իրանի կողմից ԱՄՆ ռազմաբազաների դեմ իրականացված վերջին գործողությունները միայն սկիզբն էին, և խաղի կանոններն այլևս փոխվել են։ ԱՄՆ-ը պետք է հասկանա՝ Իրանի շահերի և անվտանգության դեմ ցանկացած ագրեսիա այսուհետ կարժանանա ավելի կոշտ պատասխանի»,- ընդգծել է Ղալիբաֆը։
Հիշեցնենք, որ ավելի վաղ Իրանն ու ԱՄՆ-ը կրկին հարվածներով են փոխանակվել: Վաշինգտոնը նաև իրանական 3 տանկերի է հարվածել:
Հետևեք մեզ տելեգրամում
