Հյուսիսային Կորեան կիրակի ենթադրյալ բալիստիկ հրթիռ է արձակել Ճապոնական ծովի ուղղությամբ։ Այս մասին, «Euronews»-ի փոխանցմամբ, հայտնել է Ճապոնիայի վարչապետի գրասենյակը։
Ճապոնիայի պաշտպանության նախարար Սինձիրո Կոիձումին ավելի ուշ հայտնել է, որ Հյուսիսային Կորեան առնվազն մեկ բալիստիկ հրթիռ է արձակել երկրի արևելյան ափի մոտակայքից՝ հյուսիս-արևելյան ուղղությամբ։
Նրա խոսքով՝ հրթիռը հասել է մոտ 60 կիլոմետր առավելագույն բարձրության, անցել շուրջ 440 կիլոմետր և ընկել Ճապոնիայի բացառիկ տնտեսական գոտուց դուրս։
Հրթիռի արձակումը տեղի է ունեցել Հյուսիսային Կորեայի՝ ՄԱԿ-ի միջուկային վերահսկողության գործակալության՝ Ատոմային էներգիայի միջազգային գործակալության դեմ ընդունած բանաձևը մերժելուց օրեր անց։ Հյուսիսային Կորեայի արտաքին գործերի նախարարության ներկայացուցիչը հայտարարել էր, որ գործակալության բանաձևը «որևէ ազդեցություն չունի» երկրի՝ որպես միջուկային զենք ունեցող պետության դիրքորոշման վրա։
Հետևեք մեզ տելեգրամում
