Իրանի խորհրդարանում Ռաշտի ներկայացուցիչ Ջ․ Քոուչաքինեժադը, անդրադառնալով Ռաշթ-Աստարա երկաթուղու կառուցման կարևորությանը, նշել է, որ նախագծի իրականացման համար 6 տրլիոն թուման է հարկավոր։ «Որոշվել էր, որ Ադրբեջանը պետք է այս նախագծում համագործակցի մեզ հետ, սակայն, ցավոք սրտի, մինչև այսօր Ադրբեջանն իր պարտավորությունները չի կատարել»,- նշել է պատգամավորը։ Նկատենք, որ վերջին շրջանում Իրանում հաճախ են բարձրաձայնում Բաքվի կողմից Ռաշթ-Աստարա երկաթուղու կառուցման ֆինանսավորման հարցը։
Նշենք, որ Ռաշտ-Աստարա երկաթուղին Ղազվին-Ռաշտ-Աստարա(Իրան)-Աստարա(Ադրբեջան) նախագծի մաս է կազմում: Աստարա-Աստարա և Ղազվին-Ռաշտ հատվածները արդեն շահագործման են հանձնվել, սակայն Ռաշտ-Աստարայի կառուցումը դեռ չի սկսել: Նախատեսվում է, որ երկաթուղին կառուցվելու է Իրանի և Ադրբեջանի համատեղ ֆինանսավորմամբ (500մլն դոլար յուրաքանչյուրը), սակայն Թեհրանի նկատմամբ ԱՄՆ պատժամիջոցների վերականգնումից հետո Բաքուն առայժմ հապաղում է ֆինանսավորել նախագիծը:
Հետևեք մեզ տելեգրամում
