Ադրբեջանի Պետանվտանգության ծառայությունը տեղեկություն է հրապարակել արտգործնախարարությունում իրականացված գործողության մասին։
Նշվել է, որ ԱԳՆ-ի առանձին կառույցների գործունեության համար սահմանված պետական միջոցները յուրացնելու, մուտքի արտոնագիր ստանալու դիմումների համար օտարերկրացիներից կաշառք վերցնելու և այլ հակաօրինական քայլերի հետ կապված ձեռք բերված տեղեկություններն ուսումնասիրվել են, և հիմնավոր կասկածներ են առաջ եկել նախարարության տենդերային հանձնաժողովի ղեկավար Ֆերհադ Մոլազադեի, տնտեսական վարչության տնօրեն Սելիմ Ալիզադեի և հյուպատոսական – իրավաբանական բաժնի պետ Նուրուփաշա Աբդուլաևի գործունեության առնչությամբ։
Հետաքննության ընթացքում հիմնավոր կասկածներ են առաջացել Մոլազադեի և Ալիզադեի կողմից ԱԳՆ-ի կառույցների գործունեության ապահովման համար պետբյուջեից տրամադրվող միջոցների մի մասի պարբերաբար յուրացման առնչությամբ։
Մոլազադեն և Ալիզադեն պաշտոնեական դիրքի չարաշահման, յուրացման, կաշառք վերցնելու, իսկ Աբդուլաևը կաշառք վերցնեու փաստերի հիման վրա Ադրբեջանի Քրեական օրենսգրքի համապատասխան հոդվածներով ներգրավվել են որպես մեղադրյալ և դատարանի որոշմամբ՝ նրանց դեմ որպես խափանման միջոց ընտրվել է կալանքը։
Քրեական գործի շուրջ հետաքննությունը շարունակվում է
Հետևեք մեզ տելեգրամում
