Լիբիական հակամարտող կողմերից «Ազգային համաձայնության կառավարությունը» հայտարարել է, որ օտար ավիացիայի (անհայտ պատկանելության) կողմից հարձակման է ենթարկվել իրենց վերահսկողության տակ գտնվող Ալ-Վաթըյա ավիաբազան։ Հաղորդվում է, որ հայտնի չէ, թե որ ուժերին կամ երկրին են պատկանել ավիաբազան ռմբակոծած կործանիչները, սակայն հարվածների պատասխանատվությունն իր վրա է վերցրել Լիբիայում հակամարտող մյուս կողմը՝ Խալիֆա Հաֆթարի գլխավորած «Ազգային բանակը»։
Հաղորդվում է, որ նշյալ բազայում տեղակայված են եղել թուրքական ՀՕՊ համակարգի միջոցներ, որոնց զգալի մասը ոչնչացվել է։ Մասնավորապես նշվում է, որ ոչնչացվել են Թուրքաիայի կողմից այդտեղ տեղակայված Hawk հրթիռային համակարգերը, ռադիոլոկացիան համակարգեր ու թուրքական արտադրության KORAL ռադիոէլեկտոնային պայքարի միջոցները։
Նշենք նաև, որ Թուրքիայի կողմից աջակցվող «Ազգային համաձայնության կառավարության» զորքերը Ալ-Վաթըյայի բազան Հաֆթարի զորքերից գրավել են 2020-ի մայիսին՝ Թուրքիայի գործուն օգնությամբ։
Լուրեր են շրջանառվում, որ նշյալ ավիաբազան Թուրքիան նախատեսում է դարձնել Լիբիայում իր կենտրոնակայանը։
Հետևեք մեզ տելեգրամում
