«Վերջին օրերին Ադրբեջանի սադրիչ ռազմական գործողությունները հայկական կողմից արժանանում են արժանագույն պատասխանի: Եզդիական համայնքը դատապարտում է Ադրբեջանի սադրիչ գործողությունները»,- ԱԺ նիստում ասել է ՀՀ եզդի համայնքի ներկայացուցիչ Ռուստամ Բաքոյանը: Նա նշել է, որ հայաստանաբնակ բազմաթիվ եզդիներ դիմել են և պատրաստ են անհրաժեշտության դեպքում մեկնել սահման և պաշտպանել մեր ընդհանուր սահմանը:
«Կոչ եմ անում մեր եզդի ազգակիցներին ամբողջ աշխարհում` հայկական սփյուռքի հետակտիվ աշխատեն` և Եվրոպայում, և ԱՄՆ-ում, և մյուս երկրներում, որ կարողանանք Ադրբեջանի սադրիչ ռազմական գործողություններին նաև հստակ դիվանագիտական պատասխան տալ»,-նշել է նա:
Իսկ ԱԺ նախագահ Արարատ Միրզոյանը նշել է, որ առաջին անգամ չէ, որ եզդի ժողովուրդն անվերապահորեն հայ ժողովրդի հետ է. «Գիտեք, մեր եղբայրական զգացմունքները միմյանց նկատմամբ մեկ անգամ չէ, որ փորձություն են բռնել»,- ասել է Միրզոյանը։
Հետևեք մեզ տելեգրամում
