Էրդողանը «աղբամանը նետած» նամակը վերադարձրել է Թրամփին

Թուրքիայի նախագահ Ռեջեփ Թայիփ Էրդողանը, նոյեմբերի 13-ին Վաշինգտոնում ԱՄՆ նախագահ Դոնալդ Թրամփի հետ հանդիպումից հետո տեղի ունեցած մամուլի ասուլիսի ժամանակ լրագրողների հարցին պատասխանելիս, անդրադարձել է Թրամփի հայտնի նամակին, որում վերջինս Էրդողանին սպառնացել էր և հորդորել էր «հիմար չլինել»։  

Թուրքիայի նախագահը հայտնել է, որ վերադարձրել է Թրամփին վերոնշյալ նամակը։ Էրդողանը նաև նշել է, որ նամակը իրեն շատ է վրդովվեցրել։

Նշենք, որ ավելի վաղ Թուրքիայի նախագահականից հայտնել էին, որ նախագահը վերոնշյալ նամակը աղբամանն է նետել։        

Հիշեցնենք, որ հոկտեմբերի 16-ին հրապարակվել էր Թրամփի նամակը՝ ուղղված Էրդողանին: Ոչ դիվանագիտական ոճով գրված նամակում ԱՄՆ-ի նախագահն ապռնացել էր ոչնչացնել Թուրքիայի տնտեսություն և կոչ արել Էրդողանին կոչ էր արել համառ  չլինել, հիմար չլինել ու բանակցել Սիրիայի քրդական ուժերի հրամանատարներից Ֆերհադ Աբդի Շահինի հետ։