Երուսաղեմում ավելի քան 30 մարդ Է ձերբակալվել բողոքի ակցիայի ժամանակ հասարակական կարգը խախտելու համար: Այդ մասին հայտնել Է Իսրայելի ոստիկանությունը:
Իսրայելի ոստիկանության մամուլի ծառայության փոխանցմամբ, ձերբակալվածները կասկածվում են «հասարակական կարգը խախտելու և ոստիկանության աշխատակիցների վրա հարձակվելու մեջ»:
Իսրայելական ԶԼՄ-ների տեղեկատվության համաձայն, հուլիսի 21-ի երեկոյան բողոքի ակցիային մասնակցում Էր մի քանի հազար մարդ:
Նրանց մի մասը պահանջել Է Իսրայելի վարչապետ Բենիամին Նաթանյահուի հրաժարականը: Բողոքի մասնակիցների մյուս մասը հանդես Է եկել կորոնավիրուսի պատճառով վերջերս ռեստորանների աշխատանքը սահմանափակելու կառավարության մտադրությունների դեմ:
Հուլիսի 16-ի լույս հուլիսի 17-ի գիշերը Իսրայելի կառավարությունը հաստատել Է կորոնավիրուսի գծով սահմանափակիչ միջոցառումների նոր ուղղումները, մասնավորապես, հուլիսի 17-ի երեկոյից սկսած, երկրում պետք Է փակվեին մարզասրահները, լողավազանները և պարի ստուդիաները: Ռեստորանները կկարողանան միայն առաքմամբ աշխատել հուլիսի 21-ից:
Հուլիսի 24-ից Իսրայելում արգելվելու Է լողափերում գտնվելը: Դրա հետ մեկտեղ հուլիսի 20-ին կորոնավիրուսի հարցերով Կնեսետի հանձնաժողովը որոշում Է ընդունել, որ լողափերը և լողավազանները կբացվեն հանգստյան օրերին: Հուլիսի 21-ին հանձնաժողովը չեղարկել Է ռեստորանների փակման մասին կառավարության որոշումը. դրանք աշխատանքը կշարունակեն՝ հաշվի առնելով սահմանափակումները:
Հետևեք մեզ տելեգրամում
