Իսրայելում վարչապետ Բենյամին Նեթանյահուի դեմ բողոքի ակցիաները չեն հանդարտվում։ Օգոստոսի 2-ին երկրի 260 տարբեր վայրերում, այդ թվում նաև՝ Թել Ավիվում և Երուսաղեմում հազարավոր քաղաքացիներ են մասնակցել ցույցերին։
Ցուցարարները պահանջել են Նեթանյահուի հրաժարականը՝ մեղադրելով նրան կորոնավիրուսի համավարակի դեմ վատ պայքարելու մեջ։ Նրանք նաև կրել են անգլերեն «Prime Minister» («վարչապետ») բառի հնչյունափոխությամբ «Crime Minister» («հանցապետ») կարգախոսով պաստառներ՝ հղում անելով Նեթանյահուի դեմ կոռուպցիայի մեղադրանքով հարուցված դատական գործին։
Լրատվամիջոցների հավաստմամբ՝ այս ցույցերը ամենաբազմամարդն են եղել 2011թ․-ից ի վեր երկրում կազմակերպվածների շարքում։ Նշենք, որ Իսրայելում Նեթանյահուի հրաժարականի պահանջով ցույցերը շարունկվում են արդեն երկու ամիս։
Հետևեք մեզ տելեգրամում
