Վրաստանում կանոնավոր չվերթների արգելքը երկարաձգվել է մինչև հոկտեմբերի 1-ը: Համապատասխան որոշումը հրապարակել է Վրաստանի քաղավիացիայի գրասենյակը:
Կորոնավիրուսի տարածման պատճառով Վրաստանը բոլոր երկրների հետ մարտ ամսվանից դադարել է կանոնավոր ավիաչվերթներ իրականացնել: Կառավարությունը ծրագրում էր վերսկսել կանոնավոր ավիաչվերթները հուլիսի 1-ից, այնուհետև այդ ժամկետը հետաձգվեց մինչև օգոստոսի 1-ը։ Բայց ավելի ուշ թռիչքները կրկին հետաձգվեցին՝ մինչև սեպտեմբերի 1-ը, հետո` հոկտեմբերի 1-ը:
Սահմանափակումները չեն վերաբերում երեք ուղղությունների․ Փարիզից, Մյունխենից ու Ռիգայից շաբաթական կտրվածքով չվերթները դեպի Վրաստան, ինչպես նաև Թբիլիսիից դեպի վերոնշյալ ուղղություններ, վերսկսվել են օգոստոսին։
Ավելի վաղ Վրաստանի Էկոնոմիկայի նախարար Նաթիա Թուրնավան հայտարարել էր, որ ավիաչվերթները կիրականացվեն, երբ դրան պատրաստ կլինեն Վրաստանը, ողջ աշխարհն ու այն երկրները, որ ուղղությամբ պետք է իրականացվեն այդ չվերթները:
Հետևեք մեզ տելեգրամում
