Հուլիսի 22-ից օգոստոսի 15-ն ընկած ժամանակահատվածում ուղիղ չվերթով Վրաստան է այցելել 1200 զբոսաշրջիկ։ Այս մասին հայտարարել է երկրի Զբոսաշրջության ազգային վարչության ղեկավար Մարիամ Կվրիվիշվիլին։
Կվրիվիշվիլիի գնահատմամբ՝ թեև այս ցուցանիշն այն նվազագույն արդյունքն է, որ կարող էր արձանագրվել Վրաստանում, այնուամենայնիվ, սա լավ միտում է՝ հաշվի առնելով ողջ աշխարհում տիրող համաճարակաբանական իրավիճակը:
Հիշեցնենք, որ Վրաստանը մարտից դադարեցրել է կանոնավոր չվերթները բոլոր երկրների հետ։ Երկրի իշխանությունները նախապես ծրագրել էին վերսկսել բոլոր ավիաչվերթները հուլիսի 1-ից, բայց ավելի ուշ այդ ժամկետը հետաձգվեց մինչև օգոստոսի 1–ի։ Սակայն հաշվի առնելով այն հանգամանքը, որ կորոնավիրուսի համավարակը չի նահանջում, Վրաստանի իշխանությունները կրկին հետաձգել են սահմանների վերաբացումը, այս անգամ՝ մինչև հոկտեմբերի 1։
Օգոստոսի 21-ի դրությամբ Վրաստանում հաստատվել է վիրուսի 1․385 դեպք: Առողջացել է 1․128 , մահացել՝ 17 մարդ:
Հետևեք մեզ տելեգրամում
