Թուրքիայի արտգործնախարար Մևլութ Չավուշօղլուն Մոլդովա կատարած այցի ընթացքում մասնակցել է նաև Գագաուզիայի ինքնավար մարզի մայրաքաղաք Կոմրատում Թուրքիայի հյուպատոսության բացման պաշտոնական արարողությանը։
Չավուշօղլուն իր խոսքում նշել է, որ Անկարան աջակցում է Մոլդովայի կայունությանը և տնտեսական զարգացմանը, ապա ավելացրել, որ Անկարան շարունակելու է իր աջակցությունը Գագաուզիայի ինքնավար մարզին։
«Մեք հատկապես ուրախանում ենք՝ տեսնելով Քիշնևի և Կոմրատի միջև համագործակցության և երկխոսության զարգացումը։ Կոմրատում Թուրքիայի գլխավոր հյուպատոսարանը Մոլդովայի և Գագուզիայի հետ կապերն ավելի կամրապնդի»,- ասել է Թուրքիայի ԱԳ նախարարը։
Հիշեցնենք, որ Գագաուզիան ինքնավար վարչական միավոր է համարվում Մոլդովայի Հանրապետության կազմում 1994-ից սկսած։ Բնակչությունը կազմում է ավելի քան 150 հազար հոգի, որոնց 82 տոկոսը թյուրքախոս են՝ գագաուզներ։
Հետևեք մեզ տելեգրամում
