Թուրքիայի ԱԳ նախարար Մևլլութ Չավուշօղլուն հայտարարել է, որ Թուրքիան բաց է Միջերկրականի շուրջ իրավունքների և ռեսուրսների հարցով Հունաստանի հետ երկխոսության համար, եթե դրան պատրաստ է նաև Աթենքը:
«Եթե դուք բաց եք մեր առջև ծառացած խնդիրները երկխոսության միջոցով լուծելու համար, մենք միշտ բաց ենք եղել: Ցավոք, քանի որ մեր կոչերը չեն ընդունվել, մենք անհրաժեշտ քայլեր ձեռնարկեցինք տեղում և սեղանի շուրջ: Մենք կցանկանային թարմացնել մեր կոչը Հունաստանին: Բացասական քայլեր մի՛ արեք Թուրքիայի դեմ՝ այլոց կողմից հրահրվելուց կամ օգտագործվելուց հետո: Մի՛ անտեսեք միջազգային համաձայնագրերը…դուք պարտվող եք դուրս գալու»,- մամուլի ասուլիսի ժամանակ հայտարարել է Չավուշօղլուն:
Հիշեցնենք, որ ՆԱՏՕ-ի դաշնակիցների միջև տարաձայնություններն սրվել են Արևելյան Միջերկրական ծովի մի շարք հատվածների պատկանելության պատճառով: Կողմերն ժամանակ առ ժամանակ հայտարարում են, որ պատրաստ են վեճը լուծել բանակցությունների միջոցով, սակայն պնդում են սեփական իրավունքները պահպանելու անհրաժեշտությունը: Արդեն մի քանի ամիս է, ինչ երկու կողմերը մեծացնում են իրենց ռազմական ներկայությունը այս շրջանում, զորավարժություններ անցկացնում:
Հետևեք մեզ տելեգրամում
