ԱՄՆ ԶՈՒ 2-րդ մոտոհրաձգային և ռազմական ոստիկանության 18-րդ գումարտակի զինծառայողները ժամանել են Վրաստան՝ մասնակցելու սեպտեմբերի 7-18 կայանալիք «Արժանի գործընկեր-2020» (Noble Partner-2020) բազմազգ զորավարժությանը: Ընթացիկ տարում զորավարժություններին մասնակցելու է ավելի քան 2700 զինծառայող Վրաստանից, ԱՄՆ-ից, Մեծ Բրիտանիայից, Ֆրանսիայից և Լեհաստանից:
Զորավարժությունների նպատակն է «բարելավել Վրաստանի, ԱՄՆ-ի և գործընկեր-երկրների զինված ուժերի մարտական պատրաստվածությունը և համատեղելիությունը, օգնել Սև ծովում պահպանել կայուն և անվտանգ միջավայր»:
Նշենք, որ Noble Partner-2020 առաջին զորավարժությունները Վրաստանում անցկացվել են 2015թ. մայիսին, որին մասնակցել է մոտ 400 վրացի և 200 ամերիկացի զինվորական:
Հետևեք մեզ տելեգրամում
