Ադրբեջանի նախագահ Իլհամ Ալիևի հրամանով ԱԳ փոխնախարար Նադիր Հուսեյնովն ազատվել է զբաղեցրած պաշտոնից: Նախարար Ջեյհուն Բայրամովի հրամանով նա նշանակվել է հատուկ հանձնարարություններով դեսպան:
Ալիևի մեկ այլ հրամանով Ֆարիզ Ռզաևը նշանակվել է ԱԳ փոխնախարար: Ռզաևը մինչ այդ զբաղեցրել է առաջին փոխնախագահ Մերհիբան Ալիևի քարտուղարության պետի տեղակալի պաշտոնը:
Աշխատանքից ազատված Նադիր Հուսեյնովը համակարգում էր ԱԳՆ-ի հյուպատոսական ծառայությունը, մի քանի աշխատակիցների, որոնք վարչության պետ Ֆայգ Բաղիրովի գլխավորությամբ վերջերս ձերբակալվել էին ֆինանսական խախտումների, չարաշահումների, հափշտակությունների և կաշառակերության մեղադրանքով:
Հետևեք մեզ տելեգրամում
