Երկրաշարժ Իրանում․ կան վիրավորներ

Սեպտեմբերի 7-ին Իրանի Գյուլիստան նահանգի Ռամիյան շրջանում 5․1 մագնիտուդ ուժգնությամբ երկրաշարժ է գրանցվել։

Թեհրանի համալսարանի սեյմոլոգիական կենտրոնի տեղեկացմամբ՝ երկրաշարժը գրանցվել է տեղի ժամանակով ժամը 02։04-ի սահմաներում։ Ստորգետնյա ցնցումները գրանցվել են ընդերքի 9 կմ խորության վրա։ 

Իրանական լրատվամիջոցների հաղորդմամբ՝ երկրաշարժը զգալի նյութական վնասներ է պատճառել Ռամիյանի շրջանի որոշ գյուղերի։

Երկրաշարժի հետևանքով 10 մարդ է վնասվածքներ ստացել։ Նշվում է, որ դեռևս շարունակվում են որոնողափրկարարական աշխատանքները։