Իրաքի մայրաքաղաք Բաղդադում տեղի ունեցած պայթյունների հետևանքով 6 մարդ է զոհվել և 16-ը վիրավորվել: Այս մասին հայտնել է ալ-Սումարիա հեռուստաալիքը:
Նախնական տվյալներով ՝ քաղաքում առնվազն երեք պայթյուն է որոտացել:
Նշվում է, որ ինքնաշեն պայթուցիկները գործի են դրվել Բաղդադի տարբեր թաղամասերում:
Աղբյուրի փոխանցմամբ` երկու ռումբը ամրացված է եղել մոտոցիկլետներին, որոնք կայանված էին քաղաքի հյուսիսային և հարավ-արևմտյան թաղամասերում, իսկ մեկ ինքնաշեն ռումբ էլ պայթել է Բաղդադի արևելյան հատվածում:
Դեռևս ոչ մի ահաբեկչական խմբավորում չի ստանձնել պայթյունների պատասխանատվությունը:
Հետևեք մեզ տելեգրամում
